ប្រសាសន៍ព្រឹទ្ធាចារ្យ ឆេង ផុន
-តាមវត្តអារាមគួរតែកុំកសាងដុំថ្មដែលមិនសូវមានការចាំបាច់ច្រើនពេក។
-គួរនាំគ្នាងាកមកកសាង មនុស្សសិលា គឺមនុស្សដែលមានចំនេះដឹង មនសិការ និងចិត្តរឹងបុឹងដូចជាសិលា ឲ្យច្រើនទើបប្រសើរ។
-មនុស្សជា ផលិតផលនៃសង្គម ហើយក៏ជាអ្នកកសាងសង្គមដែរ ។
-អ្វីដែលគ្រប់វត្តត្រូវតែមានគឺ សាលាទ្រឹស្តី(សាលាបាលី) សាលាពិសោធន៍ទ្រឹស្តី(សាលាវិបស្សនា) បណ្ណាល័យ(ឃ្លាំងផ្ទុកឯកសារ) ការបង្រៀនអក្សរសាស្រ្ត របៀបសរសេរកំណាព្យ និង របៀបសូត្រកំណាព្យឲ្យបានត្រឹមត្រូវ និង ការបង្ហាត់ភ្លេងមានជាច្រើនទម្រង់ ដើម្បីឲ្យសាកសមនឹង កិត្តិនាមថា វត្តជាជង្រុកនៃវប្បធម៌ ។
-ម្យ៉ាងទៀតអ្នកបួសមុននឹងឆាន់ចង្ហាន់គប្បីពិចារណាថា ដុំបាយទាំងនេះមិនមែនបានមកពីមនុស្សខ្ជិលទេ គឺបានមកពី មនុស្សឧស្សាហ៍ខ្នះខ្នែង ប្រឹងប្រែង ប្រាកដណាស់ ។
#ដូច្នេះ អាត្មាអញបរិភាគហើយត្រូវធ្វើជាប្រយោជន៍ដល់ជនទាំងឡាយនោះវិញ ។
